ريما الرحباتي تقطع الطريع أمام الشائعات بتصريح خطير
وأكدت ريما من خلال منشورها إلى أنها مع انتشار الكثير من المعلومات والتَكهُّنات ولشائعات "رح إضطر حط النقط عالحروف وبوقاحَة مُطلقة لأَن اللي نايم وخاص، ما كان لازم يطلع وإضطريتُوني طلعوا".
وأضافت: "زياد ما فل مِن الكبد ولا من البنكرياس. زياد ما كان وصل لمرحلة زَرع الكبد وزياد ما معاوز مصاري من حدا، لا دولة ولا غير دولة وأكيد مش لمِّية حدا!".
وتابعت: "يا عيب الشوم، زياد إمّه (السيدة فيروز) وإخته معه وحده من أول العمر لآخر العمر. زياد ما إستسلم ولا زِزهق من الحياة ولا قرر يفل. زياد كان ملَقَّط بالحياة وبيحب الحياة وبيخاف من الموت وبيخاف على حاله. زياد مؤْمِن ثَوْرَجي. إيمانه أَقوى من ايمان المؤمنين بدون تساؤلات زياد كان يردد السلام عليكي يا مريم كل الوقت من 15 سنة قدام اللي بحس انه بيحبو هبلا ولا شي، اي قدَّامنا".
وأضافت في منشورها كشف المزيد من التفاصيل وقالت: "زياد سكن عنا بعد آخر حفلة عملها، زياد الثورجي اللي ترك البيت بشبابه رجعله لما حس تعبان خاف يبقى وحده وفضل يبقى مع أهله. ما استسلم إلا لحب امه وأخته وأخته قبل أمه لأن بيعرف انه الإم، إم! بتحب ببون قَيد أو شَرط ما بيهمّا تفهم وما بهمها إلا تحِب وما بتعرِف إلا تحِب.. بينما إخته بتفهمه ومش بس بتحس فيه كمان بتس مثله ووبدوم ما يحكي وهيدا اللي كان بحاجة له زياد".
ريما الرحباني تفجر مفاجأة: زياد راح غلطة
ومن بعدها كشفت المخرجة اللبنانية عن سبب رحيل النجم زياد الرحياني، وقالت: "راح غلطة أو إهمال طبي من أطباء آمن فيهم وكان يرفض بشكل قاطع يستشير غيرهم وهني يبدو ما آمنوا فيه! إِهمال أو غلطة، غلطة كبيرة كتير.. الله لا يسامح اللي كان السبب مع إِنّي مسيحيًّا لازم سامح بس لأوّل مرّة مش قادرة، لأن زياد ما كان بينغلط معه، مش زياد اللي بينغلط معه حتّى لو كان مريض عنيد ومتعب".
تفاعل الجمهور ومحبي النجم الراحل بشكل واسع مع تصريحات شقيقته والقنبلة القاسية التي فجرتها في منشورها لقطع الطريق أمام الشائعات والقيل والقال التي تتحدث عن أسباب وفاة شقيقها، والإشارة إلى أنه كان يحتاج إلى المال لاستكمال العلاج وهذا ما نفته ريما الرحباني بشكل قاطع، وطالب العديد من الأشخاص بضرورة أخذ تصريحاتها على محمل الجد ويجب استكماله في تحقيقات طبية شفافة وغير منحازة من أجل حق زياد الرحباني.
