عزيز الشافعي: مفتقدين شيرين عبد الوهاب وصعب انها تتعوض

نون - تحدث الشاعر والملحن عزيز الشافعي عن الفنانة شيرين عبد الوهاب معبرا عن افتقاده لها.

وقال عزيز الشافعي في لقاء له: لما بنيجي نعمل أغاني بنقول الأغنية بتنادي صاحبها، أغاني كتير وأنا بعملها بتبقى بتنادي شيرين عبد الوهاب وببقى عارف أن لو شيرين غنتها هتاخدها في حتة تانية. لكن في الفترة الأخيرة الظروف اللي بتمر بيها واللي إن شاء الله تعدي منها بعداها شوية لكن إحنا بنفتقدها في رمضان في تترات المسلسلات وفي الصيف والألبومات، شيرين بتقدر تعمل من أغنية عادية بتخليها كبيرة في أصوات بتقدر تعمل من أغنية عادية حاجة لأن الصوت نفسه بياخدك ويملكك. شيرين عندها البحة المصرية والشخصية المتفردة مفيش حد زيها صعب أن نعمل شيرين عبد الوهاب تاني دي حاجات مش موجودة في مطربين كتير، في مطربين بيعوضوا مطربين لكن شيرين صعب أنها تتعوض وإن شاء الله ترجع وتبقى أحسن من الأول.