إلهام شاهين تعليقاً على فيديو تطاير فستانها: كنت لابسة شورت للركبة وكولون

نون - علقت النجمة إلهام شاهين على الفيديو المنتشر لها خلال تواجدها في مهرجان الجونة وتطاير الفستان على السجادة الحمراء.

وفي تصريحات لها قالت إلهام شاهين: أكيد طبعا بتضايق ليه التنمر ده؟، مش شيء مقصود، لا أنا نازلة لكم فستان عريان ولا حاجة ده شيء قدري الفستان طار في الهوا وأنا أعمل ايه، وهي لحظة وأنا مسكت الفستان.. وعلى فكرة أنا لابسة تحتيه شورت لغاية الركبة، ويقولك مش لابسة حاجة، وفوقه شراب كولون، ليه اللي صور ده وعمل تصوير بالبطئ عشان الناس تتفرج، وعمل منه صور ليه أنت مستفيد ايه عشان خاطر التريند؟، يبقى لا عندك ضمير ولا أخلاق.. احنا بنعاني من الناس اللي بيقابولنا بموبايلات في الشارع، طب هنا كله صحافة محترمة، ليه الصحافة مش مستنية لنا غلطة، دي بتخلق لنا غلطة ولو عندي غلطة داري عليا.