رامي صبري: أتمنى أعمل دويتو مع عمرو دياب

نون - تحدث الفنان رامي صبري عن إمكانية تقديمه لدويتو مع الفنان عمرو دياب.

وقال رامي صبري في لقاء له: أنا عملت دويتو محترم مع أصالة حبيبتي وكان لحني من حوالي 13 سنة وكان إنتاج طارق العريان، أنا دايما عايز أعمل دويتوهات لأن الأفكار بتبقى مش عادية النجاحات مش بس تعمل أغنية حلوة، إنك تغني مع زميلك أو زميلتك أنك تعمل حاجة مختلفة عن أغانيك وبالتالي مبتبقاش فنان ممل.

وتابع رامي صبري: أتمنى أعمل دويتو مع عمرو دياب فنان كبير جدا وكلنا بنحبه ونحترمه ونفتخر بيه أنه فنان مصري، والناس كلها عارفة إني بحبه، وحماقي من الفنانين المحترمين وأصدقاء وهو موسيقي محترم جدا واتشرف بدويتو معاه.