ماجد المصري: بعبر عن حبي لمراتي بمفاجآت وهدايا

نون - كشف الفنان ماجد المصري عن طريقة تعبيره عن حبه لزوجته.

وقال ماجد المصري خلال لقائه في برنامج "كلام نواعم" عبر قناة mbc1: "الحب دا مشاعر ومواقف وتناغم ومفاجآت لازم كل فترة عشان أعبر فيها لمراتي عن مدى حبي لازم يبقى فيه مفاجأة حاجة أحس أنها فعلا تنبسط، الست بطبعها بتحب الهدايا بس الهدية لما تيجي في وقت مش متفق عليه مثلا عيد حب أو عيد ميلادها أو عيد جوازها لما بتيجي في توقيت مفاجئ بتعمل حالة جميلة".

وتابع ماجد المصري: "لأن فعلا الحب شيء راقي أوي ولما ربنا سبحانه وتعالى بيمن على البني آدم بالحب فعلا بيستمتع بيه، دكتور مصطفى محمود قال إن الحب بيتوهج ويشتعل وبعدين ينخفض ويبقى رماد ويتبقى المودة والرحمة، واضيف كمان حب العشرة ودا حب قوي جدا".