مي عمر: خدت دروس رقص كتير عشان مسلسل رمضان

نون - كشفت الفنانة مي عمر عن تفاصيل شخصيتها في مسلسل «إش إش»، الذي من المقرر طرحه في الموسم الرمضاني المقبل 2025.

وقالت مي عمر خلال لقاءها ببرنامج et بالعربي: المسلسل دا مختلف أوي.. مش شبه أي حاجة عملتها قبل كدا السنة اللي فاتت كانت شخصية مختلف أوي عني، شخصية المحامية والسنادي حبيت أعمل شخصية مختلفة خالص اللي هي شخصية إش إش.

أضافت: بندخل جوا حياة الراقصات، دايمًا بنشوفهم من برا ومش كتير بندخل جوا حياتهم بالذات الشخصية اللي أنا باقدمها هي مش رقاصة معروفة هي بتشتغل في أفراح شعبية فبتشوفي بيتها وعيلتها عاملين ازاي وايه معاناتها.

تابعت: أنا أخدت دروس كتيرة أوي أوي قبل المسلسل وهي كانت شخصية متعبة أوي أوي، ومش خايفة من انتقادات الناس لأن مش هينفع كل مرة تقدمي نفس الشخصية.

وأختتمت: الدور ده أتقدم كتير أوي بس على حسب التناول، واحنا عندنا قصة اجتماعية جوا المسلسل مش في كباريه.

ومسلسل "إش إش" بطولة كل من النجوم: مي عمر، هالة صدقي، ماجد المصري، طارق النهري، انتصار، إدوارد، وعصام السقا. المسلسل من تأليف وإخراج محمد سامي.