علاء مرسي: نفسي أعمل فيلم رومانسي و أبوس في الأفلام

نون - كشف الفنان علاء مرسي عن أمنيته في تقديم فيلم رومانسي.

وقال علاء مرسي في لقائه ببرنامج "مع نزار الفارس": "نفسي أبوس في السينما وأعمل فيلم رومانسي، هيقولوا إيه الراجل العجوز اللي خرف دا".

وتابع علاء مرسي: "لو عملت فيلم أو مسلسل رومانسي أنا بحب منة شلبي ونفسي أمثل معاها، لكن لو في عمل رومانسي هي مش هتطلع تحبني أنا راجل أكبر منها قد أبوها".

وأكمل علاء مرسي ليتحدث عن فكرة نجاحه في الأعمال الرومانسية بعيدا عن الكوميديا وقال: "أنا عندي أدوار تراجيدية أكتر زي "حلم الجنوبي" مع الأستاذ الراحل صلاح السعدني، كفكرة تقديم رومانسي فـ "أحدب نوتردام" حب أي حد يحب بس لازم يكون صادق، أمتى هنجح في الرومانسية لما أبقى صادق".

وخلال اللقاء كشف علاء مرسي عن رأيه في الحجاب وقال: ""الحجاب فرض وهذا هو ما علموه لنا مشايخنا وآبائنا وأمهاتنا، فكرة أن أقول أنه مش فرض، مش أنا اللي أقول فرض أو لأ لأن فيه ولي أمر شيخ أو الأزهر أو الأوقاف أو العلماء هما اللي يقولوا، أنا اختلف مع رأي رانيا يوسف عن الحجاب، الحجاب فرض يمكن في خلاف على النقاب".